La stranga basa vocxo, klere modulita kaj la distinkta aspekto de Ralph Glomp memorigas al ni la imagon de la princoj de "Glitera stilo" de la 70-80aj jaroj. Neniu miros trovi lin inter la artistoj de "Schlager-Move" (Sxlagra movado) en Hamburgo kie miloj de junuloj dancas cxiujare je la ritmoj de tiu neforgesebla epoko.

La kristnaska koktelo, kiun Ralph prezentas en tiu disko, estigas mirigan rilaton inter olda tradicio, klare definita kiel tera, kaj sonoj kiuj sxajnas veni de trans la spaco. Certe akirinda kaj estu atenta pri kio venos de li poste cxiukaze...

Dek kantotekstoj estis elektitaj el la kantolibro "Adoru", kaj cxiuj tekstoj trovigxas ankaux en la KD-libreto.