Ni dankas al Akordo la norman julan albumon "Kristnaska kordo" (VKKD62) kaj hodiaux la reeldonon de ilia unua KD "Muzikpluvo", kiu agxas jam naux jarojn. Sed kiel bona vino gxi restas tre gxuinda! ....

Muzikpluvo





Memorajxoj 2005

- KEF (Kultura Esperanto-Festivalo) en Helsinko, kiu prezentis multajn artistojn inter la plej elstaraj, kaj al kiu partoprenis EUROKKA/Vinilkosmo.

esperanto + fotoj:

http://www.esperanto.fi/kef2005/

-----------

- Universala Kongreso de Esperanto (UK) en Vilno

esperanto + fotoj:

90-a Universala Kongreso (UK) je 23-30.07.2005 en Vilnius, Litovio

-----------

- Internacia Junulara Kongreso (IJK) en Zakopane (Pollando) kun abunda arta programo.

esperanto + fotoj:

http://www.tejo.org/ijk/2005/fotoj.php

-----------

- IJS en Hungario

esperanto + fotoj:

http://russcon.org/gallery/view_album.php?set_albumName=2005-ijs

-----------

- FESTO, proksime de Mazamet en Occitanio en suda Francio

franca/esperanto + fotoj:

http://esperanto-jeunes.org/galerie/festo2005




Kaj tre baldaux, ARKONES en Poznan

La 21a festivalo ARKONES kiu disvolvigxas tradicie en Poznan (Pollando) cxi-jare okazos de la 30-a de septembro gxis la 2-a de oktobro 2005 kun tre varia programo:

El la muzika flanko partoprenantoj povos gxui inter alie koncertojn de Dolchamar, Georgo Handzlik, JoMo el Tuluzo, Jxak Le Puil, Yas Kawamura, Vigla Muziko el Kongo, kaj Krio de Morto.

Estos ankaux amaso da prelegoj kaj diversaj literaturaj prezentoj kaj prelegoj pri la historio de esperanto-muziko plenumota de EUROKKA-reprezentanto.

Por plaj informoj:

http://www.arkones.republika.pl/




Partenereco BEL-Vinilkosmo

Por ke esperanto-muziko farigxu alirebla al sudamerikanoj, por kiuj prezoj de importitaj diskoj el Euxropo rezultigxas tromultekostaj, Brazila Esperanto Ligo (BEL) kaj Vinilkosmo kune decidis finfine kaj definitive ripari tiun maljustajxon!

Antaux la konstanta entuziasmo de la sudamerikanoj por esperanto, sxajnas nekonvena ke ilia vivnivelo, pri kiu fakte ili ne kulpas , estus barilo por la kultura ricxigxo je kiu ili aspiras legitime.

Malkontentaj pri tiu konstato, Vinilkosmo kaj BEL, kies implikado en la disvastigado de la sennacieca lingvo pere de muzika produktado, decidis asociigxi por partnera kunalborado.

BEL eldonos sub licenco de Vinilkosmo la diskojn en Brazilo, kaj distribuos tra la asocioj kaj kluboj de esperanto je adaptitaj prezoj, largxan gamon de Vinilkosmo-produktoj.

Ni invitas do niajn sudamerikajn legantojn sekvi la evoluon de tiu cxi oferto kiu estas aparte kaj strikte rezervita por la sudamerikanoj kaj devus efektivigxi baldaux.

Ni esperas ke ili profitos kaj kuragxigos tiun iniciaton por ke gxi povu dauxrigi dum multaj jaroj.

http://www.esperanto.org.br/portalo/index.php?option=com_content&task=view&id=45&Itemid=2




Internacia TeleVido ITV

La unua interreta televidkanalo tute en esperanto - Internacia Televido - estas preparanta sian oficialan lancxon. La televidkanalo antauxvidas diversajn programojn, kiuj varios cxiutage, laux programtabelo. Inter la programoj de ITV estos la programo 'Muzikume', kiu prezentos al la esperantistoj festivalojn, muzikvideojn, kaj koncertojn faritajn de muzikistoj kiuj kantas en la internacia lingvo.

ITV estas lancxita de la entrepreno CIDCON, kiu administras ankaux la konatan portalon Gxangalo.

Artistoj interesataj scii pliajn detalojn povas kontakti la teamon, kiu zorgas pri la esperantista televidkanalo per la jena retadreso :

admin@internacia.tv

Intertempe, Vinilkosmo kaj CIDKON intertraktas por aparta akordo, rilate la artistojn, kiuj jam lancxis Kdiskojn per la diskeldonejo.

Pliaj informoj pri ITV trovigxas cxe :

http://gxangalo.com/modules/itv/




Esperanto-Desperado ne plu ekzistas

Kiel tio ja estis anoncita dum la koncertoj en IJK en Zakopane (Pollando), estis la lastaj antaux la disigxo de Esperanto-Desperado.

Esperanto-Desperado ludis unue oficiale dum KEF 5 en 1996 en Kopenhago kiel Brokantajoj.

En 1997 la grupo sxangxis la nomon al la nuna Esperanto Desperado. Tiam la grupo konsistis el Birgitta Taurus Henriksen, Helle Eble Cleary, Amir Hadziahmetovic, Kim J: Henriksen, kaj Denis Rock Tamba, kaj ludis akustike.

En 2000 la orkestro plene elektrigxis, kaj eniris la grupon Brian Laustsen kaj Thomas Crawford. Tiam la grupo surbendigis la unuan kodiskon:

'Jen venas... BroKantajxoj' cxe la eldonejo Vinilkosmo (VKKD 34). Denis Rock intertempe igxis rifugxinto en Germanio kaj Birgitta forlasis la grupon.

Dum auxtuno 2003 kaj printempo 2004 la grupo klopodis surbendigi novan kodiskon. Sed fermo de studio de polico, sxtelado de akordeono, ktp. malfaciligis la laboron. Sed en junio 2004 finfine sukcesis surbendigi 'Hotel Desperado', kiu estis eldonita de Vinilkosmo (VKKD72) la 20-an augusto 2004.

Sur gxi auxdigxas la drumisto Nis Bramsen, kiu estis en la grupo ekde januaro 2002.

La lasta membro, Mark Dziwornu (origine de Ganao) aligxis en la grupo antaux nur kelkaj monatoj; li ludas gxembeon kaj aliajn perkutilojn. Sed li jam gastludis en 5 kantoj de 'Hotel Desperado'.

La muziko kaj tekstoj plej ofte estis originale verkitaj de la membroj mem.

Sed de tempo al tempo aperis tekstoj de ekzemple Jorge Camacho, Wiliam Auld, Vladimir Danilov, kaj Maria Amanta Smilet.

Esperanto-Desperado cxiam ludis ankaux ekster la esperanta mondo. Ekz. vive en la dana radio; kiel festorkestro cxe naskigxtagfesto aux geedzigxofesto; en kafejoj, kulturdomoj, karnavaloj; kaj cxe festo de la 1-a de majo. La ofta strategio estis ludi tie kie jam estas homoj.

En la esperanta mondo la grupo ludis dum KEFoj, KAFE, UKoj, IJKoj, PSI, Dana Jarkunveno, Germana Jarkunveno.

Dum la lasta turneo en Pollando la grupo ne nur ludis frenezan festan koncerton dum IJK sed ankaux cxe koncertoj por preskaux plena neesperantista pola publiko arangxita de la nordia kulturdomo en Krakovo, kaj kun mona apogo de la mondmuzika organizo en Danio.

Esperanto-Desperado dankas cxiujn kiuj apogis kaj subtenis la bandon dum la jaroj.

Kaj ecx se la bando ne plu ekzistas, ilia muziko restos por cxiam ankrita en la muzika kulturo de esperanto per furoraj kantajxoj, rekantitaj kaj kunkantitaj de la esperantistoj tra la tuta mondo.

Ambaux diskoj estas disponeblaj gxis elcxerpigxo... kaj ili estas je via dispono cxe la TTTejo de Vinilkosmo.com.




Denis Rock Tamba forpelita el Germanio

La 18-an de majo 2005 Denis Rock Tamba estis forpelita el Germanio kun multaj aliaj konganoj, kaj forsendita al Kongo, kvankam li vivis en Germanio de 16 jaroj kie li ankaux havas 14-jaran infanon kun germanino.

Denis Rock Tamba naskigxis en Kinshasa (cxefurbo de Kongo, eks-Zairio), li mergigxis en la muziko dum tuta sia juneco, kaj en 1983, kiam li farigxis studento en la universaitato, Denis Rock komencis muzikludi kaj verki kantojn, cxefe en la angla.

En 1985 li eklernis esperanton kun helpo de Zhou Mack en Lukala, kaj ekverkis esperanto-kantojn, kaj fondis la bandon The 3 Rolls kun siaj studentaj amikoj Roger Ngoma, Donnat Bitazi, kaj Zhou Mack Tufuene. En 1987 Louison Yambuka anigxis al la bando. La bando ludis cxefe regeon, kaj malfelicxe ekzsitas neniu registrajxo de tiu-epoka aventuro.

De kiam ili eniris al universitaton, la diktatoro Mobutu, subpremis la manifestaciojn per pafiloj kaj forsendis la ribelantajn studentojn al bagno aux al armeo.

Kiam la studentoj kontrauxstaris la diktaturon, la universitato estis fermita kaj la situacio farigxis tiom neeltenebla ke junuloj, kaj inter ili Denis Rock, decidis forfugxi Zairion.

Li do migris al Germanio en 1988, sen rajto studi nek labori, sed ludi muzikon estis escepto kiu eskapis la legxajn regulojn..

Sekve li vojagxis ene de Euxropo, en Nederlando, en Belgio, en Francio, kaj en Danio, kie li havis novajn artistajn spertojn kiel Afrika Espero en 1993 kun Louison Yambuka, kiun li retrovis hazarde ; The Black Survivors en 1994, kaj partopreno en KEF kun Afrika Espero en Kopenhago.

Estis okaze de KEF ke Afrika Espero renkontis EUROKKA, kaj estis interkonsentita la surbendigo de unu titolo en esperanto por la dua volumo de Vinilkosmo-Kompil' (VKKD 10).

Inter 1997 kaj 2002 Denis Rock verkis kantojn kun la bando QBA, surbendigis sian unuan solo-albumon sur kvintitola kasedo 'Afrika Nokto', kaj en 2003 li fondis kun sudamerika amiko Jorge Jimenez la bandon La Rolls, kiu eldonis la albumon 'Sunradio', distribuata de Vinilkosmo sub referenco VKKD 67.

Notindas la kunlaborado de Denis Rock kun la bando Esperanto-Desperado, por kiu li verkis du kantojn de la dua albumo 'Hotel Desperado' (VKKD 72).

Nun, Denis Rock provas elturnigxi el la malfacila situacio en Kongo, kaj laboras pri nova projekto de DVD, 'Libera', 6 titoloj kun belaj bildoj kaj muzikoj afrikaj kantitaj en esperanto.

Vi trovos en nia TTTpagxo 'Sunradio', kies esprimiva kvalito egalas la irvojon de Denis Rock Tamba, al kiu ni deziras sukceson. kaj kiel li diras:

"Muziko ne havas limojn kaj unuigas la mondon en la paco. Ke vivu la amo kaj la paco!"




JoMo kaj Liberecanoj baldaux enstudiigxos !

Jean-Marc Leclercq, alias JoMo, kaj lia bando Liberecanoj okupos la Studio de Vinilkosmo/La Trappe ekde la 10-a de oktobro gxis novembro por la surbendigo de nova albumo en esperanto produktota de Vinilkosmo.

Se cxio iros glate, tiu nova disko devus aperi por la jarfino, kaj promesas esti vera juvelo!

Cxiuj atendas gxin..




Carlos Devizia el Argentino

Carlos Devizia, jam eminenta grafikisto, estas ankaux komponisto, kaj havas altan estimon por esperanto kaj la spirito kiu animas gxin. kvankam li estas novica en tiu fako.

Ni havis okazon auxskulti kelkajn demojn kaj intersxangxis ideojn kun Carlos, kiu sxatus vidi naskigxi pli strecxan rilaton inter la universala alvokigxo de esperanto kaj la muziko kiun gxi vehiklas, ofte subforme de simplaj transponoj de konataj gxenroj.

Carlos estas konvinkita same kiel kelkaj el ni, ke esperanto profitas de pli specifa sona portilo, rekonebla kaj projekciita en al estonto.

La direkto rezolute eksperimenta kaj elektronika de Carlos faras el li kandidato sekvinda en sia sercxado de muziko tiom universala kiom la lingvo kiu paroligas gxin.

La galerio de Carlos:

http://www.carlosdevizia.8k.com/




Svinokop, punko-hardkoro el Rusio

La punk-hardkora rusa bando Svinokop preparas surbendigadon de kelkaj titoloj en esperanto.

Anna Zajceva, eksmembro de la bando hardkora ukraina Picxismo, anigxis al Svinokop.

Sharapov, unu el la muzikistoj, zorgas ankaux pri subgrunda eldonejo rusa SZSS, kiu eldonis interalie la tri albumojn de Picxismo kasede en la jaroj 90-aj, 'Subita Merdo', 'Buhxtismo', kaj 'P.P.P.'.

La bando sxatus fari intersxangxojn.

Informoj pri la bando disponeblas en la rusa, la angla, sed bedauxrinde ankoraux ne en esperanto:

http://svinokop.narod.ru/svinokop.htm




Nargis, uzbekistanino en Ameriko

Nargis Mondjazib, la uzbeka kantistino vivanta en Usono, pri kiu ni jam parolis al vi en nia informletero N-ro 4, planas produkti tutan KDon en esperanto!

Gxis nun la uzo de esperanto estis nur margxena faceto de sxia kreado, kun nur po du titoloj en sxiaj du albumoj, sed sxajnas ke la hibrida konsisto de sxia kariero instigas sxin nun decidi pli certece.

Malkovru sxian albumon, 'Water of Life':

http://www.cdbaby.com/cd/nargis1




Daphne Lawless recidivas

Daphne Lawless el Novzelando, jam prezentita en nia 3-a informletero, preparas novan albumon, kiu titoligxos 'Grupeta frenezo'.

En tiu KD aperos nova titolo, "Peko", kiun sxi prezentis sukcese en la kongreso de NZEA, kaj esperanta traduko de malnova angla titolo.

Tiu albumo aperos cxe la novzelanda eldonejo Random Static Music.

Por pliaj informoj pri Dafnjo.

http://www.daphnelawless.com/eo/index.html

Por auxskulti titolon:

http://www.randomstatic.net/lawless/discography/sorchistetino.mp3





Dankon pro via atento.
Plej muzikajn salutojn al cxiuj legantoj !

Redaktita por vi de Floréal Martorell kaj Mark Eaton