Albumeto ref.: VKBA055-097
Bita albumeto 5 titoloj - 17:10 mn,
disponebla laŭ MP3 – 320 Kb/s - OGG - FLAC - elsendfluo formatoj
La nova ĝardeno - Vojaĝo - Tuluzo, Okcitanio, Francio
Bita albumeto kunproduktita de Vojaĝo / Vinilkosmo © 2025
Atentigo : **La plena albumo ankaŭ estas disponebla laŭ tiuj bitformatoj, alklakante sur la dezirata formato:
OGG , FLAC , aŭ Elsendfluo (MUZIK-KLUBO).
Kontaktu nin por mendi unuopajn trakojn por elŝuti en mp3 aŭ alia formato.
Oficiala apero de la bita albumeto La nova ĝardeno de Vojaĝo la 12an de decembro 2025.
Por ĉi tiu nova albumeto titolita La nova ĝardeno, Vojaĝo aplikas siajn famajn receptojn ĉe la kruciĝo de trip-hopo, ĵazo, mondĵazo, kaj eĉ Franca popolmuziko, kun la celo krei energian, originalan, optimisman, kaj lucidan produkton.
La tekstoj, ĉiam dediĉitaj al la defendo de la medio kaj amikeco inter la popoloj, traktas brulajn temojn de nia tempo: la bezono de naturo, dependecaj problemoj, la indiferenteco de la homaro al la tutmonda varmiĝo, kaj la malapero de biodiverseco.
Ĉi tiu nova albumeto inkluzivas la jenajn trakojn:
1. "La nova ĝardeno"
(Kanto: Galiss’; klavaroj: Gilles Bénard; kantoteksto, muziko, aranĝo, soprana saksofono: Jean-Claude ‘Ĝiuzepe’ Patalano)
Dum la unua trako en la albumo Intergalaksia parolis nostalgie pri malaperinta ĝardeno, ĉi tiu nova albumeto parolas, pli optimisme, pri la renaskiĝo de la ĝardeno printempe kaj la ĝojo retrovi la naturon tie.
2. "Dependeco"
(Kantoteksto, muziko, kanto: Galiss’; klavaroj: Gilles Bénard; adapto, aranĝo, tenorsaksofono: Jean-Claude ‘Ĝiuzepe’ Patalano)
Ĉi tiu peco traktas, en decide ĵaza stilo, la delikatan temon de dependeco kaj la rezultan aflikton.
3. "Eĉ unu muron"
(Kanto: Galiss’; klavaroj: Gilles Bénard; kantoteksto, muziko, aranĝo, sopransaksofono: Jean-Claude ‘Ĝiuzepe’ Patalano)
Ĉi tiu peco festas la vivĝojon de gejunuloj amantaj naturon kaj liberecon, kiuj rifuzas vidi murojn starigitajn inter popoloj.
4. "Klaraj informoj"
(Kanto: Galiss’; klavaroj: Gilles Bénard; basgitaro: Didier Kerboull; drumaro: Didier Jéol; kantoteksto, muziko, aranĝo, sopransaksofono: Jean-Claude ‘Ĝiuzepe’ Patalano)
Ĉi tiu peco humure traktas la problemon de la nerespondecemo de niaj socioj. Malgraŭ konscio pri la minacoj al la medio, ili ne kapablas organizi sin por alfronti ilin.
5. "Oceano"
(Klavaroj: Gilles Bénard; kantoteksto, muziko, aranĝo, kanto: Jean-Claude ‘Ĝiuzepe’ Patalano)
Kromtrako, en klasika stilo, parolas pri la oceano, fina ujo de ĉio kion ni ne plu volas.
En ĉi tiu albumeto Vojaĝo estas
Galiss’: kanto
Gilles Bénard: piano, sinteziloj
Didier Jéol: tamburoj, elektronikaj perkutiloj
Didier Kerboull: baso, basa sintezilo
Jean-Claude Patalano: soprana saksofono, tenora saksofono, klarneto, fluto, kanto, muzikaj komponaĵoj, aranĝoj
Registrado kaj miksado: Jean Claude Patalano en studio Audiopole (Ramonville, Okcitanio)
Mastrigado: Triboulet, Studio La Trappe ĉe Vinilkosmo en Donneville, Okcitanio
Reviziado de la kanto-tekstoj: Miguel Gutiérrez Adúriz
Grafikaĵo de la albumkovrilo: pentraĵo de Didier Jéol